Yamandagi aeroportda sodir bo‘lgan portlash oqibatida 10 kishi halok bo‘ldi

Hodisa oqibatida aeroport mehmonxonasi yaqinidagi o‘tkazuv-nazorat punkti vayron bo‘lgan.

Foto: AFP

Yamanning Adan shahridagi aeroportda portlash sodir bo‘ldi, dastlabki ma'lumotlarga ko‘ra, kamida 10 kishi halok bo‘lgan. Bu haqda Al Arabiya telekanali xabar bermoqda.

Reuters agentligining ma'lumot berishicha, guvohlar va xavfsizlik xizmatidagi manba Adan xalqaro aeroportida portlash yuz berganini tasdiqlagan.

Taxmin qilinishicha, aeroportga kirish darvozasi yaqinida qoldirilgan avtomobilga joylangan portlovchi qurilma portlagan. Hodisa oqibatida aeroport mehmonxonasi yaqinidagi o‘tkazuv-nazorat punkti vayron bo‘lgan.

Adan aeroporti yil boshida faoliyatini tiklagandi.