Buyuk Britaniya Fransiyaga baliq ovlash bo‘yicha “g‘irrom” talablarini bekor qilishi uchun 48 soat muhlat berdi
Fransiya 27 oktyabr kuni baliq ovlash uchun litsenziya to‘g‘risidagi bahs keskinlashgani sababli Buyuk Britaniyaga nisbatan sanksiyalar kiritishga tayyorligini bildirdi.
Buyuk Britaniya Fransiyaga baliq ovlash bo‘yicha kvota talablarini bekor qilishi uchun 48 soat muhlat berdi. Bu haqda Birlashgan Qirollik tashqi ishlar vaziri Elizabet Trass Sky News telekanaliga bergan intervyusida aytdi.
“Fransuzlar o‘zlarini g‘irromlarcha tutdi, bu savdo kelishuvi shartlariga mos kelmaydi. Agar savdo kelishuvi tomonlaridan birortasi g‘irromlik qilsa, unga qarshi chora ko‘rish va kompensatsiya talab qilish huquqiga egasiz. Agar fransuzlar ortga qaytmasa, xuddi shunday yo‘l tutamiz. Bu masala yaqin 48 soat ichida hal qilinishi kerak”, – dedi u.
Fransiya 27 oktyabr kuni baliq ovlash uchun litsenziya to‘g‘risidagi bahs keskinlashgani sababli Buyuk Britaniyaga nisbatan sanksiyalar kiritishga tayyorligini bildirdi.
Parij fransuz baliqchilariga Jyersi suvlarida baliq ovlash uchun ular talab qilganidan ikki marta kam ruxsatnoma berilganini ta'kidlamoqda. Agar baliq ovlash sohasida Britaniya siyosati o‘zgarmaydigan bo‘lsa, Fransiya 2 noyabrdan Londonga nisbatan sanksiya kiritish niyatida.
London sanksiyalarga nisbatan xuddi shunday javob qaytarilishiga va'da bergan.
Yevrokomissiya tomonlarni mavjud bahsni tezroq hal qilishga chaqirdi.
Mavzuga oid
01:19 / 05.10.2024
Buyuk Britaniya karbonat angidridni saqlaydigan maydonchalarni yaratishga salkam 30 mlrd dollar ajratadi
20:36 / 03.10.2024
Buyuk Britaniya uzoq yillik bahslardan keyin Chagos orolini Mavrikiyga qaytarib beradi
20:47 / 30.09.2024
Britaniyadagi eng yirik po‘lat ishlab chiqaruvchi Tata Steel o‘z faoliyatini to‘xtatadi
20:45 / 30.09.2024