16:35 / 03.11.2021
28605
Энг кучли Android смартфонлар рейтинги эълон қилинди

Xiaomi Black Shark 4S Pro AnTuTu версияси бўйича энг кучли смартфонлар рейтингида етакчи бўлди.

Фото: Xiaomi

Xiaomi Black Shark 4S Pro AnTuTu бенчмарки версияси бўйича октябрь ойининг энг кучли смартфони бўлди. Бу ҳақда Revü нашри хабар бермоқда.

Android смартфонлар тестлари натижаларига кўра, Xiaomi компаниясининг янги флагмани бозордаги энг самарадор смартфон деб топилди. Xiaomi Black Shark 4S Pro Snapdragon 888+ процессори, 16 гигабайт тезкор ва 512 гигабайт доимий хотирага эга.

Рейтингнинг юқори учталигидан шунингдек, Nubia Red Magic 6S Pro ва Vivo iQOO 8 Pro ўрин олди.

Рейтингнинг аввалги етакчиси Xiaomi Black Shark 4 Pro тўртинчи ўринга тушди. Бешинчи ва олтинчи ўринларга Vivo X70 Pro+ ва Asus ROG Phone 5s жойлашди.

Юқори ўнталикка киритилган барча қурилмалар Qualcomm Snapdragon 888+ ва Snapdragon 888 процессорлари базасида ишлайди.

Xiaomi Black Shark 4S Pro октябрь ўрталарида тақдим этилган.

Top