Dunyo bo‘yicha koronavirus yuqtirish holatlari soni 248 milliondan oshdi

Dunyo bo‘yicha koronavirus yuqtirish holatlari soni 248 mln 153 ming 789taga yetdi, deb ma'lum qildi Jons Hopkins universiteti.

Pandemiya boshlanganidan buyon COVID-19dan 5 mln 23 mingdan ortiq inson vafot etgan.

AQSh, Hindiston va Braziliya 20 milliondan ortiq koronavirus yuqtirish holatlari qayd etilgan mamlakatlar bo‘lib turibdi.

AQShda 46 mln 252 ming 513 kishi COVID-19ga chalingan, 750 ming 423 bemor vafot etgan.

Hindistonda COVID-19 holatlari soni 34 mln 308 ming 140taga yetgan, 459 ming 191 bemor hayotdan ko‘z yumgan.

Braziliyada pandemiya boshlanganidan buyon 21 mln 835 ming 785 bemor qayd etilgan, ulardan 608 ming 235 nafari vafot etgan.