2021 yil 1 noyabr kuni Sirdaryo viloyati bojxona va DXX boshqarmasi, Milliy Gvardiya Toshkent shahar boshqarmasi bilan hamkorlikda Toshkent shahrida pirotexnika mahsulotlarining noqonuniy aylanuvi oldini olish borasida tezkor tadbir o‘tkazildi. Bu haqda viloyat bojxona boshqarmasi Kun.uz’ga ma'lum qildi.
Tezkor tadbir davomida, oldindan tezkor kuzatuvga olingan, Toshkent shahri Chilonzor tumanidagi avtoturargoh hududida fuqaro T.A. tegishli bo‘lgan 3 dona qog‘oz korobka tadbir ishtirokchilari va xolislar ishtirokida belgilangan tartibda ko‘zdan kechirilganda, dastlabki hisob-kitoblarga ko‘ra qiymati 17,8 mln so‘mlik jami 55 992 dona pirotexnika vositaci borligi aniqlanib, ashyoviy dalil sifatida olindi.
Hozirda mazkur holat yuzasidan surishtiruv harakatlari olib borilmoqda.
