Xitoy COVID-19 sababli chegaralardagi nazoratni kuchaytirdi

Xitoy milliy immigratsiya boshqarmasi mamlakatga COVID-19 olib kirilishining oldini olish maqsadida chegara nazoratini kuchaytirdi. Bu haqda Global Times gazetasi xabar bermoqda.

Qayd etilishicha, ushbu chora mamlakatda koronavirus holatlarining avj olishi bilan bog‘liq.

Fuqarolar mamlakatdan chiqmaslikka chaqirilmoqda, kirib kelayotgan xorijliklar esa qat'iy tekshiruvdan o‘tkazilmoqda. Pekin Olimpiadasiga keladigan sportchilar dastlab yopiq maskanga joylashtiriladi.

Xorijiy va charter reyslar ustidan nazorat kuchaytirildi. Yuk mashinalari maxsus marshrut bo‘ylab yurishi belgilandi.  

Yerusti chegaralarda nazorat qat'iylashtirildi. Chegaradagi muzlagan daryolarga soqchilar qo‘yildi.

Xitoyda 17 oktyabrdan kasallik yuqtirish holatlari avj oldi. 3 noyabr holatiga ko‘ra, 17 provinsiya va rayonda 500dan ortiq holat aniqlangan.