Sirdaryoda haydovchining rul boshqaruvini yo‘qotishi oqibatida YTH sodir bo‘ldi

Sirdaryo viloyati Guliston tumanida haydovchining rul boshqaruvini yo‘qotishi oqibatida yo‘l transport hodisasi sodir bo‘ldi. Bu haqda viloyat IIB YHXB otryad komandiri Adham Asqarov ma'lum qildi.

Joriy yilning 9 noyabr kuni soat 18:00larda Sirdaryo viloyati IIB YHXBga kelib tushgan xabarga ko‘ra, Guliston tumani hududidan o‘tuvchi 4K-651 avtomobil yo‘lining 18-kilometrida Nexia haydovchisi rul boshqaruvini yo‘qotishi oqibatida yo‘l transport hodisasi sodir etgan.

Mazkur YTH oqibatida haydovchi va ikkita yo‘lovchi olgan tan jarohatlari bilan Guliston tumani tibbiyot birlashmasiga yotqizilgan.

Ma'lum qilinishicha, mahalliy ahamiyatdagi yo‘l bo‘lib, aholi yashamaydigan hudud bo‘lganligi sababli sun'iy yoritish moslamalari o‘rnatilmagan. Yo‘l belgilari va yo‘l chiziqlari mavjud.

Avvalroq, Sirdaryo viloyatida qashqadaryolik shaxs boshqaruvidagi Lacetti ag‘darilib ketishi oqibatida haydovchi vafot etgani va uxlab qolgan «GAZ-53» yuk mashinasi haydovchisi YTHda vafot etgani xabar berilgan edi.