Samarqandda «Jiguli» urib yuborgan piyoda vafot etdi

Samarqand shahrida «Jiguli» avval piyodani urib yuborgan, so‘ng yo‘l chetidagi beton ustunga urilgan. Oqibatda og‘ir tan jarohatlari olgan piyoda vafot etdi. Bu haqda IIV YHXB xabar bermoqda.

Ma'lum qilinishicha, joriy yil 12 noyabr kuni Samarqand shahri Universitet xiyoboni ko‘chasida odam o‘limi bilan bog‘liq yo‘l-transport hodisasi sodir bo‘lgan.

«Jiguli» mashinasi haydovchisi tezlik me'yorlarini buzgan holda harakatlanib kelib yo‘l chetidagi piyodani urib yuborgan. So‘ng mashina yo‘l chetidagi beton ustunga urilgan. Oqibatda «Jiguli» haydovchisi va piyoda og‘ir tan jarohatlari olib shifoxonaga yotqizilgan. Ko‘rsatilgan tibbiy yordamlarga qaramasdan piyoda vafot etgan.