14:32 / 24.11.2021
2471
Илон Маск Tesla’нинг яна 1 млрд долларлик акцияларини сотди

Маск уч ҳафтадан буён ўз компаниясининг акциялар пакетларини сотмоқда. У шу кунга қадар қиймати 9,9 млрд долларга тенг 9,2 млн дона акция сотди.

Фото: Al Drago/Bloomberg via Getty Images

Tesla бош директори Илон Маск компаниянинг 1,05 млрд долларлик акциялар пакетини сотди, деб хабар берди Reuters.

Маск уч ҳафтадан буён ўз компаниясининг акциялар пакетларини сотмоқда. У шу кунга қадар қиймати 9,9 млрд долларга тенг 9,2 млн дона акция сотди.

У 6 ноябрда Twitter’да фойдаланувчилар ўртасида ўз акцияларини сотиш борасида сўровнома ўтказганди. Маск буни 15 млрд долларлик солиқни тўлаш учун қилаётганини айтганди. Фойдаланувчиларнинг аксарияти унинг бу фикрини қўллаб-қувватлаганидан сўнг 8 ноябрь куни 1,1 млрд долларлик дастлабки акциялар пакетини сотди.  

Илон Маск дунёнинг энг бой одами ҳисобланади. Bloomberg миллиардерлар индексига кўра, унинг бойлиги миқдори 300 млрд доллардан ортиқ.

Top