“Asakabank”: Toshkentda o‘tgan II MDH Xalqaro moliya-bank forumida qator hamkorlik kelishuvlari imzolandi

Poytaxtimiz Toshkentda Ikkinchi Xalqaro moliya-bank forumi bo‘lib o‘tdi. Anjuman doirasida sug‘urta va qayta sug‘urtalash hamda lizing bo‘yicha xalqaro konferensiya, shuningdek, “MDH hududida birja bozorini rivojlantirish” mavzusida sho‘'ba yig‘ilishi ham tashkil etildi. Forumda 20 davlatdan bank, sug‘urta, lizing tashkilotlari, investitsiya kompaniyalari, fond birjalari, vazirlik va idoralardan 500 ga yaqin vakillar ishtirok etdi.

Forum doirasida “Asakabank” AJ Belarus Respublikasining “Belagroprombank” OAJ o‘rtasida Hamkorlik to‘g‘risidagi kelishuv imzolandi. Mazkur hujjat ikki bank o‘rtasidagi kompleks hamkorlik, xususan, investitsiya jalb qilishni qo‘llab-quvvatlash, bank faoliyatini yanada rivojlantirish, bank kafolatlari va eksport kreditlari, kadrlar tayyorlash, nou-xau va o‘zaro tajriba almashish sohasidagi aloqalarni yanada mustahkamlash uchun xizmat qiladi.

“Asakabank” AJ Axborot xizmati Ⓣ