18:51 / 01.12.2021
8251
Мюнхенда иккинчи жаҳон уруши давридаги авиабомба портлаши оқибатида уч киши жароҳатланди

Ҳодиса Deutsche Bahn темирйўл оператори қурилиш майдонида содир бўлган.

Фото: AP

Германиянинг Мюнхен шаҳридаги қурилиш майдонида портлаш юз берди. Бу ҳақда Bild нашри хабар қилди.

Нашрнинг ёзишича, ҳодиса Deutsche Bahn темирйўл оператори қурилиш майдонида содир бўлган. Иккинчи жаҳон уруши давридаги авиабомба портлаб кетган, дейилади хабарда.

Оқибатда уч киши жароҳатланган, бир киши оғир тан жароҳати олган.

Ҳозирда воқеа жойида қутқарув хизмати, ўт ўчирувчилар ва полиция ходимлари иш олиб бормоқда.

Top