Zamonaviy materiallarni ishlatib tannarxni 20 foizga kamaytirsa bo‘ladi – Shavkat Mirziyoyev

Mamlakatdagi qurilishlarda zamonaviy qurilish materiallarini ishlatish darajasi 25 foizga ham yetmaydi.

Foto: Prezident matbuot xizmati

Kelgusi yilda qurilish materiallariga ixtisoslashgan 24ta tumanda geologiya ishlarini o‘tkazishga 100 milliard so‘m ajratiladi.

«Zamonaviy materiallarni ishlatish hisobiga, qurilish muddatini 30 foizga, tannarxni esa 20 foizga kamaytirsa bo‘ladi.

Misol uchun, Ohangaron tumanida avtoklav gazblok ishlab chiqarish yo‘lga qo‘yilgan. Gazblok vazni g‘ishtdan 3-4 baravar yengil, devorni qurish va pardozlash xarajatlari 25 foizgacha arzon hamda 2 baravar tez quriladi, 30 foizgacha energiya tejamkor.

Lekin, mamlakatimizdagi qurilishlarda zamonaviy qurilish materiallarini ishlatish 25 foizga ham yetmaydi.

Kelgusi yilda qurilayotgan loyihalarning kamida 50 foizida zamonaviy mahsulotlar ishlatilishi shart», dedi davlat rahbari.