A Seriya. «Roma» «Inter»ga yirik hisobda mag‘lub bo‘ldi, Shomurodov to‘liq o‘ynaydi

Italiya A Seriyasi 16-turi doirasida «Roma» muxlislari qarshisida «Inter»ga qarshi maydonga tushdi.

Rimda o‘tgan bahsning 15-daqiqasida Chalxano‘g‘lu hisobni ochgan bo‘lsa, ko‘p o‘tmay Jyeko va Dumfris birinchi bo‘limning o‘zida hisobni yirik ko‘rinishga keltirishdi – 3:0. 

Ikkinchi bo‘limda esa boshqa gol kiritilmadi va Joze Mourino jamoasi ketma-ket ikkinchi uchrashuvda ham mag‘lub bo‘ldi. Eldor Shomurodov o‘yinni asosiy tarkibda boshlab, to‘liq harakat qildi.

Ushbu mag‘lubiyatdan keyin «Roma» 25 ochko bilan hozircha 5-o‘rinda qolgan bo‘lsa, «Inter» g‘alaba evaziga ochkolarini 37taga yetkazib, hozircha 2-o‘ringa ko‘tarildi.

A Seriya. 16-tur. 

Roma – Inter 0:3
Gollar: 0:1 – 15 Chalxano‘g‘lu, 0:2 – 24 Jyeko, 0:3 – 39 Dumfris.
Roma – Ruy Patrisiu, Rojyer, Smolling, Manchini, Kumbula (Bove, 61), Vinya, Mxitaryan, Veretu, Kristante, Dzanolo, Shomurodov.
Inter – Handanovich, Dumfris, D`Ambrozio, Shkrinyar, Bastoni (Dimarko, 76), Perishich, Brozovich, Chalxano‘g‘lu (Sensi, 83), Barella (Vidal, 59), Korrea (Sanches, 59), Jyeko (Vesino, 76).
Ogohlantirishlar: Rojyer (37), Barella (47), Manchini (63), Dzanolo (75).