Ispaniyaning yirik banki lavozim taklif qilib so‘ng ishga olmagani uchun bankirga qariyb 68 mln yevro to‘laydi
Bank 2018 yil sentyabrda Orchelga ijrochi direktor lavozimini taklif qilgan. Ammo muzokaralar davomida tomonlar bankirning maoshi va kompensatsiya to‘lovlari borasida kelisha olmagan.
Madrid sudi Santander banki bankir Andrea Orchelga 67,8 mln yevro to‘lashi to‘g‘risida hukm chiqardi, deb yozadi Bloomberg.
Bank 2018 yil sentyabrda Orchelga ijrochi direktor lavozimini taklif qilgan. Ammo muzokaralar davomida tomonlar bankirning maoshi va kompensatsiya to‘lovlari borasida kelisha olmagan. Natijada Santander banki unga berilgan taklifini qaytarib olgan.
Orchel bankni sudga bergan. U ijrochi direktor lavozimini egallash taklifi berilgan maktub rasmiy shartnoma hisoblanishini va bank shartnomani bekor qilgani uchun unga kompensatsiya to‘lashi kerakligini talab qilgan.
Santander maktub "norasmiy taklif" bo‘lgani va hech qanday yuridik kuchga ega emasligini bildirgan.
Sud Orchelning da'vosini qanoatlantirdi va Santander banki unga 67,8 mln yevro kompensatsiya to‘lashi borasida hukm chiqardi. Bu bankirning ikki yil davomida olishi ko‘zda tutilgan maoshi hamda u 10 mln yevro deb baholagan ma'naviy zararni o‘z ichiga oladi.
Mavzuga oid
16:52 / 04.10.2024
Namangan viloyat sudi raisi o‘rinbosari fuqaroning uyini soxta hujjatlar bilan o‘z nomiga o‘tkazib, sotib yuborgani aytilmoqda
13:10 / 03.10.2024
YeI sudi RF hukumati va firmalariga yuridik yordam ko‘rsatish taqiqlanganini tasdiqladi
11:51 / 01.10.2024
“Jabrlanuvchilar rozi emas” - Farg‘ona viloyat sudida protsessni tasvirga olmaslik uchun “yopishmagan” sabab ko‘rsatildi
19:10 / 30.09.2024