Malayziyada kema halokati oqibatida kamida 10 kishi halok bo‘ldi

Malayziya janubida kema halokatga uchrashi oqibatida kamida 10 kishi halok bo‘ldi. Bu haqda Johar shtati o‘t o‘chirish va qutqaruv boshqarmasi vakili ma’lum qildi.

Bundan tashqari, 29 kishi bedarak yo‘qolgan.

“15 dekabr ertalab 4 ayol va 6 erkakning jasadi topildi, 19 kishi qutqarib olindi”, deb boshqarma vakilining so‘zlarini keltirib o‘tgan The Star nashri.

Dengiz xavfsizligini ta’minlash agentligi boshlig‘i Hisham Zakariyoning ta’kidlashicha, Malayziya suv hududlariga noqonuniy kirgan kemada noqonuniy migrantlar bo‘lgani taxmin qilinmoqda. Halokatning qolgan tafsilotlari noma’lum.