Buyuk Britaniyaga eng katta xavf soladigan mamlakatlar nomi aytildi

Avvalroq Britaniya razvedkasi rahbari Richard Mur Rossiya, Xitoy va Eronni qirollik uchun xavfli mamlakatlar deb atagandi.

Foto: Reuters

Buyuk Britaniyaga eng katta xavf soladigan mamlakatlar Rossiya, Xitoy va Eron. Bu haqda mamlakat xavfsizlik ishlari bo‘yicha vaziri Demian Haynds The Daily Telegraph nashriga bergan intervyusida aytdi.

“Bu mamlakatlar inson resurslariga ega, ular kibermakonda mustahkam joylashgan va ular keng miqyosdagi kuchlarni ishga solish salohiyatiga ega”, - deb ta’kidladi Haynds.

Vazirning so‘zlariga ko‘ra, bu davlatlar axborot operatsiyalarini ham o‘tkazmoqda va bu operatsiyalarda “turli yo‘llar” bilan ishtirok etmoqda.

U Londonga tahdid uyg‘otadigan to‘rtinchi mamlakat sifatida Shimoliy Koreyani tilga oldi.

Avvalroq Britaniya razvedkasi rahbari Richard Mur ham Rossiya, Xitoy va Eronni qirollik uchun xavfli mamlakatlar deb atagandi.