Apple SIM-kartalarsiz smartfonlar ishlab chiqaradi - OAV

Foto: Getty Images

AQShning Apple kompaniyasi SIM-kartalarsiz smartfon ishlab chiqarishga tayyorgarlik ko‘rmoqda. Bunday smartfonlarda SIM-kartalar o‘rniga eSIM qo‘llanadi. Ushbu texnologiya telefonda jismoniy tashuvchiga (SIM-karta) bog‘lamagan holda bir yoki bir nechta raqamlarni qo‘llash imkonini beradi, deb xabar berdi MacRumors nashri.

Ta’kidlanishicha, kompaniya AQShdagi mobil aloqa operatorlari bilan bu borada muzokaralar o‘tkazib, ularga virtual SIM-karta (eSIM) bilan jihozlangan smartfonlar chiqishiga tayyor turishni tavsiya qilgan.

Insayderlar ma’lumotlariga ko‘ra, kompaniya 2022 yilning 2-yarmidan SIM-kartalar uchun raz’yomlar bo‘lmagan smartfonlarni ishlab chiqarishni boshlaydi. Ushbu yangilik nafaqat yangi iPhone 14 modellarida, balki hozirda ishlab chiqarilayotgan iPhone 13’larda ham tatbiq etiladi.

Mutaxassislarning ta’kidlashicha, SIM-karta raz’yomidan voz kechish qurilmaning yaroqlik muddatini oshirishga imkon beradi.

Shu bilan birga, “simka”siz iPhone’lar faqat AQSh bozori uchun ishlab chiqarilishi ehtimoli mavjud.

#Apple #SIM-karta