Apple SIM-карталарсиз смартфонлар ишлаб чиқаради - ОАВ

АҚШнинг Apple компанияси SIM-карталарсиз смартфон ишлаб чиқаришга тайёргарлик кўрмоқда. Бундай смартфонларда SIM-карталар ўрнига eSIM қўлланади. Ушбу технология телефонда жисмоний ташувчига (SIM-карта) боғламаган ҳолда бир ёки бир нечта рақамларни қўллаш имконини беради, деб хабар берди MacRumors нашри.

Таъкидланишича, компания АҚШдаги мобил алоқа операторлари билан бу борада музокаралар ўтказиб, уларга виртуал SIM-карта (eSIM) билан жиҳозланган смартфонлар чиқишига тайёр туришни тавсия қилган.

Инсайдерлар маълумотларига кўра, компания 2022 йилнинг 2-ярмидан SIM-карталар учун разъёмлар бўлмаган смартфонларни ишлаб чиқаришни бошлайди. Ушбу янгилик нафақат янги iPhone 14 моделларида, балки ҳозирда ишлаб чиқарилаётган iPhone 13’ларда ҳам татбиқ этилади.

Мутахассисларнинг таъкидлашича, SIM-карта разъёмидан воз кечиш қурилманинг яроқлик муддатини оширишга имкон беради.

Шу билан бирга, “симка”сиз iPhone’лар фақат АҚШ бозори учун ишлаб чиқарилиши эҳтимоли мавжуд.