Bo‘stonliq va Zominda o‘rmon yong‘inlarini bartaraf etuvchi otryadlar tashkil etiladi

Xususan, Bo‘stonliq va Zomin tumanlarida Favqulodda vaziyatlar vazirligining o‘rmon yong‘inlarini bartaraf etishga ixtisoslashgan otryadlarini tashkil etish va faoliyatini yo‘lga qo‘yish ko‘zda tutilgan.

O‘rmon yong‘inlarini bartaraf etishga ixtisoslashgan idoraviy bo‘linmalar yong‘in o‘chirish asbob-anjomlari va texnikasi bilan bosqichma-bosqich jihozlanadi.

Bundan tashqari, yong‘in-texnik vositalarini ishlab chiqarishga xususiy sektorni jalb etish choralari ko‘riladi. 

Mahalliy sharoitlarda ishlab chiqarish imkoniyatiga ega yong‘in-texnik vositalar va ishlab chiqaruvchilar ro‘yxati shakllantiriladi. Davlat standartlari asosida xususiy sektorni jalb etgan holda yong‘in-texnik vositalarini ishlab chiqarish yuzasidan tadqiqotlar yo‘lga qo‘yiladi.