11 oyda 23,2 ming tonna shakar import qilingan. Bu haqda Davlat statistika qo‘mitasi ma’lumot berdi.
Foto: Fotolia
Qo‘mita xabariga ko‘ra, 2021 yilning yanvar-noyabr oylarida O‘zbekiston 12 ta xorijiy davlatlardan qiymati 13 mln AQSh dollariga teng bo‘lgan 23,2 ming tonna shakar import qilgan.
Qayd etilishicha, shakar importi 2020 yilning mos davri bilan solishtirilganda 10,5 ming tonnaga kamaygan.
2021 yilning o‘tgan 11 oyida O‘zbekiston eng ko‘p shakar import qilgan davlatlar orasida Rossiya (5,3 ming tonna) va Ozarboyjon (4,6 ming tonna) yetakchilik qilmoqda.
Shuningdek, shakar import qilingan qolgan davlatlar quyidagicha:
- Polsha – 3,7 ming tonna;
- Ukraina – 3,4 ming tonna;
- Qozog‘iston – 1,5 ming tonna.
