18 yanvar kuni Turkiyaning Istanbul shahridan Urganch shahriga uchayotgan reys majburiy tarzda Toshkentga yo‘naltiriladi. Bu haqda Uzbekistan Airways xabar qildi.
Qayd etilishicha, bunga noqulay ob-havo sharoiti sabab bo‘lgan. Reysdagi barcha 98 nafar yo‘lovchi mehmonxonaga joylashtiriladi. Ushbu yo‘lovchilar 19 yanvar kuni HY-051 reysi bilan Urganchga parvoz qiladi.
Shuningdek, Urganchda bo‘lib turgan noqulay ob-havo tufayli HY-054 Urganch—Toshkent reysi bekor qilindi. Ushbu reys yo‘lovchilari 19 yanvar kuni HY-052 reysi bilan Toshkentga parvoz qiladi.