Qoraqalpog‘istonda manzil koloniyasidagi fuqaroning jazo muddatini barvaqt tugatib bermoqchi bo‘lgan firibgar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Ma’lum bo‘lishicha, Departamentning Qoraqalpog‘iston Respublikasi boshqarmasi hamda IIV hamkorlikda tezkor tadbir o‘tkazgan.
Unda fuqaro Q.R. manzil koloniyasida jazo o‘tayotgan A.ning ishonchiga kirib, uning jazo muddatini yuqori lavozimda ishlovchi tanishlari orqali barvaqt tugatib berishni vada qilgan. Buning evaziga 2 500 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Bundan oldin Qoraqalpog‘istonda qo‘rqitish yo‘li bilan pul talab qilgan shaxs qo‘lga olingandi.
