Olmaliq shahrida gaz ta’minoti vaqtincha to‘xtatiladi

Olmaliq shahrida ta’mirlash ishlari tufayli gaz ta’minoti vaqtincha to‘xtatiladi. Bu haqda «Hududgaz Toshkent» gaz ta’minoti filiali matbuot xizmati xabar berdi.

Foto: Getty Images

Qayd etilishicha, Olmaliq shahar «Namuna» MFY hududiga kiruvchi o‘rta bosimli gaz quvurida gaz sizib chiqishi aniqlangan.

Shu sababli, 2022 yil 1 fevral kuni soat 10:00 dan 13:00 ga qadar yuqorida ko‘rsatib o‘tilgan manzildagi 377 ta aholi iste’molchilarida tabiiy gaz ta’minoti vaqtinchalik to‘xtatiladi.

Ta’mirlash ishlari tugatilgandan so‘ng, tabiiy gaz ta’minoti qayta tiklanadi.