2022 yilda Samarqand viloyatida uchta GES quriladi

2022 yilda gidroenergetika sohasida umumiy quvvati 173 MVt bo‘lgan 7ta loyiha ishga tushiriladi.

Foto: Kun.uz

Energetika vazirligi matbuot xizmatining xabar berishicha, 2022 yilda gidroenergetika sohasida quyidagi loyihalar amalga oshiriladi.

Jumladan:

Samarqand viloyatida 3ta yangi gidroelektrstansiya quriladi.
Surxondaryo, Samarqand va Toshkent viloyatlaridagi mavjud 4ta gidroelektrstansiya modernizatsiya qilinadi.

Buning natijasida 173 MVt yangi quvvatlar yaratilib, yurtimizda GESlarning umumiy quvvati 2 225 MVtga yetkaziladi.

Bu haqda Yangi O‘zbekistonning 2022–2026 yillarga mo‘ljallangan Taraqqiyot strategiyasida yurtimizda “yashil” energetika sohasini yanada rivojlantirish bo‘yicha qilinadigan ishlar dasturida belgilab qo‘yilgan.