Foto: DXX
Surxondaryo viloyati IIB va DXX boshqarmalari tomonidan Denov tumanida tezkor tadbir o‘tkazilgan. Tadbirda tumanning Vodiy mahallasida joylashgan tez tibbiy yordam muassasasi xodimi fuqaro Sh.B. xizmat mavqeyidan foydalanib, o‘zi ishlayotgan joyga ishga kiritib qo‘yish evaziga fuqaro J.Sh.dan 1300 dollarni pora sifatida olayotgan vaqtda qo‘lga olingan.
Qayd etilishicha, holat yuzasidan Sh.B.ga nisbatan Jinoyat kodeksining 168-moddasi 1-qismi va 28-211-moddasi 1-qismi bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
