Jahon | 16:18 / 19.02.2022
11044
1 daqiqa o‘qiladi

Rossiya ballistik raketalar bilan harbiy mashg‘ulotlar o‘tkazishni boshladi. Mashg‘ulotlarni Putin va Lukashenko birgalikda kuzatadi

Lukashenko Rossiya bilan hamkorlikda o‘tkazilayotgan “Ittifoq qat’iyati – 2022” mashg‘ulotlari fonida Moskvaga kelgan.

Foto: Pool photo by Sergei Chirikov

Rossiya prezidenti Vladimir Putin strategik mudofaa kuchlari mashg‘ulotlariga start berdi. Mashg‘ulotlar doirasida ballistik va qanotli raketalar uchiriladi.

Mashg‘ulotlarda havo-kosmik kuchlar, janubiy harbiy okrug, strategik ahamiyatga ega raketa qo‘shinlari, Shimoliy va Qora dengiz flotlari ishtirok etadi.

Avvalroq RBK mashg‘ulotlar shaxsan mamlakat prezidenti Vladimir Putin rahbarligi ostida o‘tkazilishi haqida xabar bergandi.

Putin ballistik raketalar parvozini Belarus prezidenti Aleksandr Lukashenko bilan birgalikda kuzatib boradi.

Lukashenko tadbirda Putinning taklifi bilan ishtirok etadi. U Rossiya bilan hamkorlikda o‘tkazilayotgan “Ittifoq qat’iyati – 2022” mashg‘ulotlari fonida Moskvaga kelgan.

Дилшод Аскаров
Tayyorlagan Дилшод Аскаров
Kun.uz yangiliklarini Google News'da kuzating
+ Obuna bo'lish

Mavzuga oid