Namangan shahridagi Prezident maktabining ikki nafar o‘quvchisi 1 mln dollarlik grantni qo‘lga kiritdi

Namangan shahrida joylashgan Prezident maktabining ikki nafar o‘quvchisi dunyo reytingida yuqori o‘rinlarda turuvchi oliygohlarga o‘qishga kirishda grantlarni qo‘lga kiritgan. Bu haqda Namangan shahar hokimligi axborot xizmati xabar bermoqda.

Namangan shahridagi Prezident maktabining 11-sinf o‘quvchisi Ibrohim Karimjonov dunyo reytingida yuqori o‘rinlarda turuvchi 12ta xorijiy universitetdan turli miqdordagi grantlar bilan o‘qishga qabul qilindi. Grantning jami miqdori: 730 000 AQSh dollariga teng.

Shuningdek, maktabning yana bir o‘quvchisi Samira Yuldasheva ham dunyo reytingida yuqori o‘rinlarda turuvchi 9ta xorijiy universitetdan turli miqdordagi grantlar bilan o‘qishga qabul qilindi. Grantning jami miqdori: 362 000 AQSh dollari.

Ikki o‘quvchining qo‘lga kiritgan grantlari 1 mln AQSh dollaridan ortiqni tashkil etmoqda.