Buxoro va Qashqadaryoda pora evaziga ishga kiritib qo‘ymoqchi bo‘lgan shaxslar qo‘lga olindi

Buxoro viloyatida 1 500, Qashqadaryo viloyatida 4 000 AQSh dollari evaziga fuqarolarni ishga kiritib qo‘yishni va’da qilgan firibgar shaxslar ushlangan. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.

Foto: Iqtisodiy jinoyatlarga qarshi kurashish departamenti

Ma’lum qilinishicha, departamentning Buxoro shahar bo‘limi tomonidan DXXning viloyat boshqarmasi bilan hamkorlikda tezkor tadbir o‘tkazilgan. Tadbirda fuqaro O.U. fuqaro Sh.ning ishonchiga kirib, uni yuqori lavozimda ishlovchi tanishlari yordamida iste’molchilar huquqlarini himoya qilish bo‘limiga ishga joylashtirib qo‘yish evaziga 1 500 AQSh dollarini olgan vaqtida ushlangan.

Shuningdek, Qashqadaryo viloyatida fuqaro Z.X. fuqaro I.ni aldab, 4 000 AQSh dollari evaziga Milliy gvardiya tizimiga ishga kiritib qo‘yishni va’da qilgan. U kelishilgan pulni olayotganda departamentning Qashqadaryo viloyati boshqarmasi tomonidan DXX bilan hamkorlikda o‘tkazilgan tezkor tadbirda qo‘lga olingan.

Mazkur holatlar yuzasidan Jinoyat kodeksining 168-moddasi (firibgarlik) 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.

Buxoroda 2 000 dollar evaziga ishga joylashtirib qo‘ymoqchi bo‘lgan shaxs ushlandi