Ukraina haqiqiy dekommunizatsiyani xohlayotgan bo‘lsa, biz buni ko‘rsatamiz – Putin

Rossiya prezidenti Vladimir Putin Donbassdagi vaziyat borasida rossiyaliklarga murojaat qildi.

U murojaatida vaziyatni keskin deb baholadi.

Rossiya prezidenti tarixni tilga olib, zamonaviy Ukrainaga 1917 yildan keyin kommunistik Rossiya tomonidan asos solinganini ta’kidladi.

«Shu bilan birga [Vladimir] Lenin va uning safdoshlari bu ishni qo‘pol usulda, hududlarni bo‘lish hisobiga amalga oshirgan. U yerda yashovchi aholidan hech kim hech narsani so‘ramagan», — dedi Putin.

Putin Leninni «Ukrainaning me’mori» deb atadi va bu davlatni hozir ham «Vladimir Ilich Lenin nomidagi Ukraina» deyish mumkinligini aytdi.

Rossiya rahbarining qo‘shimcha qilishicha, bolshevistik siyosat natijasida kommunistik Ukraina paydo bo‘lgan.

«Agar bolsheviklar yaratgan Ukraina haqiqiy dekommunizatsiyani xohlasa, Rossiya buni ko‘rsatadi», dedi Vladimir Putin.