Toshkent metrosida ona-bola xonasi va hojatxona ishga tushiriladi

Bugun, 23 fevral soat 15:00dan Toshkent metrosining “Chilonzor” metro bekatida ona va bola xonasi va hojatxona ishga tushiriladi. Bu haqda Toshkent metropoliteni matbuot xizmati rahbari Mirakbar Tolipov Kun.uz’ga ma’lum qildi.

Foto: Kun.uz

Ma’lum qilinishicha, “Toshkent metropoliteni faoliyatining samaradorligini oshirish chora-tadbirlari to‘g‘risida”gi prezident qarori ijrosini ta’minlash hamda yo‘lovchilarga qulaylik yaratish maqsadida “Chilonzor” metro bekatida zamonaviy jihozlangan ona-bola xonasi hamda hojatxona ishga tushirilmoqda.

Ma’lumot uchun, ushbu yangilik tajriba tariqasida hozircha faqat “Chilonzor” metro bekatida joriy etilayotgan bo‘lib, keyinchalik boshqa bekatlarda ham ona-bola xonasi va hojatxona qurilishi mumkin.