Uzbekistan Airways Rossiya shaharlariga bir qator reyslarni bekor qildi

Uzbekistan Airways Rostov va Krasnodarga parvozlar bekor qilinganini ma’lum qildi.

Rossiyaning Rostov-Don (Platov) va Krasnodar shaharlari xalqaro aeroportlari faoliyati vaqtincha to‘xtatilgani munosabati bilan, aviakompaniya bir qator muntazam qatnovlar bekor qilinganini bildirdi.

Ular:

• HY-9647/9648 Toshkent-Rostov-Don-Toshkent yo‘nalishida – 25, 27 fevral va 2 mart kunlari;
• HY-9687/9688 Toshkent-Krasnodar-Toshkent yo‘nalishida – 27 fevral va 1 mart kunlari;
• HY-3687/3688 Toshkent-Krasnodar-Toshkent yo‘nalishida – 2 mart kuni.

Bekor bo‘lgan parvozlar yo‘lovchilari aviachiptalar to‘liq qiymatini chipta sotib olingan joyda qaytarib olishi yoki parvozlar qayta tiklanganidan keyin boshqa sanaga bepul qayta bronlash huquqiga ega.