O‘zbek paxtasidan boykot olib tashlandi. Bu O‘zbekiston uchun nimani anglatadi?

Cotton Campaign xalqaro koalitsiyasi o‘zbek paxtasini boykot qilish to‘xtatilganini ma’lum qildi. Shu munosabat bilan o‘tkazilgan tadbirda “Cotton Sampaign” koalitsiyasi direktori Partitsiya Jurevich va O‘zbekiston rasmiylari boykotning bekor qilinishi O‘zbekiston uchun qay darajada ahamiyatli ekani haqida ma’lumot berdi.

{Yii::t(}

O'tkazib yuborish 6s

O'tkazib yuborish

“Cotton Sampaign” koalitsiyasi direktorining qayd etishicha, O‘zbekistonda paxta yetishtirishdan tortib tayyor mahsulot ishlab chiqarishgacha bo‘lgan jarayonni mamlakatning o‘zida amalga oshirish imkoniyati xalqaro hamjamiyatni o‘ziga jalb qila oladi.

“Men O‘zbekistonni betakror mamlakat deb bilaman. Klasterlar ko‘rinishidagi vertikal integratsiya orqali paxta bilan bog‘liq barcha jarayonlar shu yerning o‘zida amalga oshirilishi imkoni bor. Bunda paxta yetishtiruvchilardan tortib to oxirgi mahsulot tayyor bo‘lgungacha jarayonlarda to‘la shaffoflik va kuzatuvchanlikka erishish mumkin. Bu juda noyob hodisa va xalqaro hamjamiyatni o‘ziga jalb qila oladi. Klasterlar ittifoqi esa, bu albatta yaxshi, u orqali ko‘plab ish o‘rinlarini yaratish, qolaversa, paxta sanoatida ishlovchilarning hayotini yaxshilay olish mumkin”, dedi Partitsiya Jurevich.

Senat Raisi Tanzila Norboyevaning ta’kidlashicha, ishlab chiqarishni to‘laligicha mamlakatning o‘zida tashkil qilish eksport qiymatini oshiradi, qolaversa, ish o‘rinlari yaratilishiga imkon beradi.

“Oldinroq biz butun paxtamizni xomashyo sifatida 1 mlrd dollarga eksport qilardik. O‘zbekistonda umuman ishlab chiqarish yo‘q edi, hammasi xomashyo sifatida sotilardi va o‘z paxtamizdan ishlab chiqarilgan mahsulotlar o‘zimizga yetib kelardi. Lekin hozir prezidentimizning siyosati: paxtani eksport qilmasdan ishlab chiqarishni o‘zimizda tashkil qilishdan iborat. 2-3 yildan beri paxta xomashyo sifatida eksport qilinmayapti va o‘zimizda ishlab chiqarish yo‘lga qo‘yilyapti. Buning uchun 120 tadan ortiq klasterlarimiz bor. Agar oldin paxta xomashyosi 1 mlrd dollarga eksport qilingan bo‘lsa, hozir ishlab chiqarish hisobiga 3 mlrd dollarlik qiymatga erishdik.

Keyingi 4-5 yil ichida 50 mlrd dollarlik mahsulot eksport qilishni reja qilganmiz. Bu qo‘shimcha ish o‘rinlari deganidir”, dedi Senat raisi.

“O‘zbekiston paxta-to‘qimachilik klasterlari” uyushmasi rahbari Murtazo Rahmatovning qo‘shimcha qilishicha, 1 kg paxta ishlab chiqarish bosqichlaridan so‘ng 50 dollarlik qiymatga ega bo‘lishi mumkin.