22:49 / 14.03.2022
22389
ЕОИИ ва Хитой мустақил валюта-молия тизими лойиҳасини ишлаб чиқмоқда

Дастлабки лойиҳа март охирига қадар муҳокама учун тақдим этилади.

Фото: AP

Евросиё иқтисодий иттифоқи ва Хитой мустақил халқаро валюта-молия тизими лойиҳасини ишлаб чиқмоқда. Бу ҳақда Евросиё иқтисодий комиссиясининг интеграция ва макроиқтисодиёт бўйича вазири Сергей Глазьевга таяниб Sputnik Қирғизистон хабар берди.

Қайд этилишича, тизим иштирокчи мамлакатларнинг миллий валюталари ва биржа маҳсулотлари нархи индекси ҳисобланувчи янги халқаро валютага асосланиши кўзда тутилмоқда.

"Жаҳон иқтисодиётининг секинлашиши ҳамда ЕОИИ ва Хитойга нисбатан чекловлар билан боғлиқ умумий хатарларни ҳисобга олган ҳолда мамлакатларимиз амалий ҳамкорликни кучайтириши лозим", — деди Глазьев.

Хабарга кўра, дастлабки лойиҳа март охирига қадар муҳокама учун тақдим этилади.

Аввалроқ Ҳиндистон ва Россия ўзаро ҳисоб-китобларни миллий валюталарида олиб бориши мумкинлиги ҳақида хабар берилганди.

 

Top