Xitoy Afg‘onistondagi konlarni o‘zlashtirish bo‘yicha muzokara boshladi

Xitoy "Tolibon" harakati vakillari bilan Afg‘onistondagi eng yirik Mes Aynak mis konini o‘zlashtirish bo‘yicha muzokaralarni boshladi, deb xabar berdi Wall Street Journal.

Kon Kobuldan 40 km uzoqlikda joylashgan bo‘lib, metall zaxiralari bo‘yicha dunyodagi eng muhim konlardan hisoblanadi.

Qayd etilishicha, Pekin shuningdek, mamlakat shimoliy qismidagi Amudaryo neft-gaz hududidan foydali qazilmalarni qazib olish imkoniyatini ko‘rib chiqmoqda.

Nashrning ma’lumot berishicha, Afg‘oniston g‘arbidagi yirik temir konini o‘zlashtirish uchun Eron ham muzokara o‘tkazmoqda. 

Amerikalik ekspertlar o‘n yil avval Afg‘onistondagi barcha mineral resurslar qiymatini 1 trln dollar deb baholagan.