Qoʻshimcha funksionallar
-
Tungi ko‘rinish
Abramovichning Kiyev bilan muzokaralarda qatnashganiga oid tafsilotlar ma’lum qilindi
Milliarder muzokaralar jarayonini tashkillashtirishga yordam berish uchun Ukraina prezidenti Vladimir Zelenskiy ofisidagi yuqori martabali amaldor bilan uchrashgan.
Foto: Getty Images
Roman Abramovichning Rossiya va Ukraina o‘rtasidagi muzokaralarda qatnashishini shaxsan prezident Vladimir Putin ma’qullagan, deb xabar berdi Financial Times o‘z manbalariga tayanib.
Gazetaning uch nafar suhbatdoshi so‘zlariga ko‘ra, milliarder muzokaralar jarayonini tashkillashtirishga yordam berish uchun Ukraina prezidenti Vladimir Zelenskiy ofisidagi yuqori martabali amaldor bilan uchrashgan.
Rossiya prezidenti matbuot kotibi Dmitriy Peskov Abramovichning muzokaralarda qatnashishini shaxsan Putin ma’qullagani to‘g‘risidagi xabarga izoh bermadi. U avvalroq biznesmen «boshlang‘ich bosqichda» ishtirok etganini aytgandi.
«Sluga naroda» partiyasi rahbari va Ukraina delegatsiyasi a’zosi David Araxamiya Abramovich bilan Moskva va Kiyev o‘rtasidagi ilk muzokara o‘tkazilgan Gomelda uchrashganini tasdiqladi.
Gazetaning yozishicha, Roman Abramovich mart oyi boshida Moskvada Germaniya sobiq kansleri Gerxard Shryoder hamda Rossiya delegatsiyasi rahbari Vladimir Medinskiy bilan uchrashgan.
Avvalroq The Wall Street Journal Zelenskiyning AQSh prezidenti Jo Bayden bilan suhbatidan so‘ng Qo‘shma Shtatlar Abramovichga qarshi sanksiya kiritmaganini yozgandi. Gazeta manbalarining so‘zlariga ko‘ra, Ukraina prezidenti Moskva bilan muzokaralarda Abramovich muhim vositachi bo‘lishi mumkinligini aytgan.
Rossiya-Ukraina urushi
Mavzuga oid
22:28 / 17.12.2025
Britaniya Abramovichdan «Chelsi»ni sotishdan olgan daromadini Ukrainani qo‘llab-quvvatlashga yo‘naltirishni talab qildi
15:15 / 31.10.2025
Abramovich Germaniyadagi So‘l partiyani sudga berishi mumkin
22:15 / 03.06.2025
Britaniya Abramovichdan «Chelsi»ni sotishdan tushgan mablag‘ni Ukrainaga berishni talab qildi
22:37 / 02.04.2025