Urgutda tog‘da adashib qolgan 4 kishi qutqarildi

Samarqand viloyati Urgut tumanidagi tog‘li hududlarda adashib qolgan 4 nafar fuqaro qutqarildi. Bu haqda viloyat FVB xabar qilmoqda.

Ma’lum qilinishicha, 1 aprel kuni soat 20:25 da Urgut tumani Xo‘jaydiq mahallasida joylashgan «Shirboq ota» ziyoratgohi yuqori tog‘ tizmasida 4 nafar fuqaro sayohat qilib, yo‘ldan adashgani to‘g‘risida viloyat FVBga xabar kelib tushgan.

Zudlik bilan viloyat favqulodda vaziyatlar boshqarmasi qutqaruvchilari xabar qilingan manzilga yetib borib, qidiruv-qutqaruv ishlari olib borilgan.

Qutqaruvchilarning sa’y-harakatlari natijasida 2 aprel kuni soat 04:10 da fuqarolar tog‘dan sog‘-salomat olib tushilgan.