Ukrainadagi urushning qirqinchi kunida Buchada tinch aholi vakillari o‘ldirilishi bilan bog‘liq yangi ma’lumotlar kelib tushdi. The New York Times shaharning mart oyi o‘rtalarida sun’iy yo‘ldosh orqali olingan tasvirlarini e’lon qildi, ularda shahar ko‘chalarida jasadlar bu hudud rossiyalik harbiylar nazoratida bo‘lgan vaqtda paydo bo‘lganini ko‘rish mumkin — bu esa Rossiya Mudofaa vazirligining bayonotini rad etadi.
Buchadagi voqealardan keyin Yevroittifoq Rossiyaga qarshi yangi sanksiyalar paketini tayyorlashga kirishgan. Quyida urushning so‘nggi kunlarida olingan suratlar.