Rossiya Kiyevni yana o‘qqa tutdi – suratlar

Rossiya qo‘shini 6 iyulga o‘tar kechasi Kiyevga ballistik raketalar va dronlar bilan hujum qildi. Ukraina qurolli kuchlari havo kuchlari bayonotiga ko‘ra, mamlakat hududi bo‘ylab jami 68 ta raketa va 350 dan ortiq dron (jumladan, imitator dronlar) uchirilgan. Zarbaning asosiy nishoni Kiyev bo‘ldi. Ukraina poytaxtini himoya qilishi kerak bo‘lgan havo hujumidan mudofaa tizimlari Kiyev yo‘nalishida harakatlangan 23 ta ballistik raketa va «Tsirkon» rusumli oltita raketadan birortasini urib tushira olmagan.

Ukraina qurolli kuchlari havo kuchlari Yuriy Ignat ma’lum qilishicha, ukrain harbiylarida Patriot havo hujumidan mudofaa komplekslari uchun raketalar yetishmayapti. Kiyevda Rossiya zarbasi oqibatida, so‘nggi ma’lumotlarga ko‘ra, 11 kishi halok bo‘lib, 46 kishi yaralangan, deb xabar berdi shahar meri Vitaliy Klichko. Shaharning to‘rtta rayonidagi binolar shikastlangan. Nisbatan eng jiddiy vayrongarchiliklar Podolsk rayonida qayd etilgan. Vayron bo‘lgan binolar hududida qidiruv-qutqaruv ishlari davom etmoqda, Ukraina rasmiylari qurbonlar va yaralanganlar soni oshishi mumkinligini istisno etmayapti. 7 iyul Kiyevda motam kuni deb e’lon qilindi. «Meduza» Rossiyaning Kiyev bo‘ylab zarbasi oqibatlari aks etgan fotosuratlarni e’lon qildi.