13:22 / 11.04.2022
35574
Сигирлар орасидаги ракета, харобалар остидан яқинларини излаётган украинлар. Уруш суратлари

10 апрель куни БМТ Украинада уруш бошланганидан буён тинч аҳоли вакилларидан 1793 киши, жумладан 142 бола ҳалок бўлганини тасдиқлади. Украина қуролли кучлари маълумотига кўра, Россия армияси Изюм райони ҳудудидаги мудофаа чизиғини ёриб ўтишга, Мариупол устидан тўлиқ назорат ўрнатишга ва Николаев йўналишидаги қисмларнинг тактик ҳолатини яхшилашга ҳаракат қилмоқда. Володимир Зеленский Россия босқини бошланганидан буён қўлига қурол олиб, ватан ҳимоясига отланишга тайёр бўлган 363 нафар маҳкумни афв этган.

Полициячилар Киев области Бузовая посёлкасидаги ёнилғи қуйиш шохобчасидаги қудуқдан эркак киши жасадини чиқариб олмоқда. Ҳудуд раҳбарининг айтишича, у россиялик аскарлар томонидан ўлдирилган.
Zohra Bensemra / Reuters / Scanpix / LETA

Украинадаги урушнинг 46-кунидаги асосий маълумотлар:

  • Украина президенти Володимир Зеленский ҳар кунлик видеомурожаатида мамлакат шарқида Россия томонидан кенг кўламли ҳарбий ҳаракатлар кутилаётганини маълум қилди.
  • Киев областидаги Бузовая посёлкасида ўнлаб тинч аҳоли вакиллари кўмилган яна бир биродарлик қабристони топилди.
  • Россиянинг Украинага қарши тажовузидан кейин, Финландия ва Швеция ёздаёқ НАТО сафига киришни режалаштирмоқда. Британия нашрлари ёзишича, агар бу режалар амалга ошса, Финландия НАТО аъзолари орасида Россия билан энг узун чегараларга эга давлатга айланади (1340 км), бу чегара чизиғи Санкт-Петербургдан 200 км масофадан ўтади.
  • Украина томони Россия армиясида ҳайдовчилар ва механиклар танқислиги юзага келганини айтмоқда.
  • Харков ҳамон қамалда қолмоқда, Мариуполда россиялик ҳарбийлар «Азовсталь» ва денгиз портини штурм қилишда давом этмоқда.
Харьковдаги вайрон бўлган беш қаватли уй.
Sergey Bobok / AFP / Scanpix / LETA
Киевлик қиз шаҳар атрофида.
Oleg Petrasyuk / EPA / Scanpix / LETA
Лукашовка қишлоғидаги яйловда сигир портламай қолган ракетага қарамоқда.
Anastasia Vlasova / Getty Images
Сапёрлар Киев областидаги Мотижин қишлоғи ҳудудида топилган снарядларни портлатишмоқда.
Mykola Tymchenko / Reuters / Scanpix / LETA
Луганскдаги фронт чизиғида украин артиллериячиси «Град» баравар ўт очиш тизимини зарба беришга тайёрламоқда.
Anatolii Stepanov / AFP / Scanpix / LETA
Украинанинг «Град» баравар ўт очиш тизими россияликларнинг Луганскдаги позициясини ўққа тутмоқда.
Anatolii Stepanov / AFP / Scanpix / LETA
Первомайскдаги Россия гаубицалари, ЛХР.
Гавриил Григоров / ТАСС
Бородянкалик аёл турар жой харобалари остидан ўғлини қидирмоқда
Vladyslav Musiienko / Reuters / Scanpix / LETA
Бошқа бир она ўғлининг танаси қудуқдан чиқариб олинишини кутмоқда. Фото: Reuters
Харков ўққа тутилиши оқибатида шикастланган кўплаб бинолардан бири. Фото: Reuters
Украиналиклар Польша билан чегарани кесиб ўтмоқда. Фото: Reuters
Киев яқинидаги Макаров шаҳарчасидаги черков. Украина ҳукумати маълумотларига кўра, уруш бошидан буён камида 59 та диний объектлар, уларнинг аксари — православ черковлари, вайрон бўлган ёки жиддий шикастланган.
Petros Giannakouris / AP / Scanpix / LETA
Харьков аҳолиси. Фото: Alkis Konstantinidis / Reuters / Scanpix / LETA
Николаевда ўққа тутилган ҳукумат биноси кўриниши. REUTERS/Ueslei Marcelino
Бородянкада Россия армияси зарбалари оқибатида қизи ва куёви ўлдирилган 77 ёшли Мария. REUTERS/Gleb Garanich
26 ёшли Сергей Лаховский Бучада рус аскарлари томонидан ўлдирилган дўстининг қабри олдида. REUTERS/Alkis Konstantinidis

 

Мавзу
Украина инқирози
2021 йил давомида Россия Украина билан чегарада қўшин тўплади. Сўнгги вақтларда минтақада вазият кескинлашмоқда.
Барчаси
Top