12:59 / 13.04.2022
27973
Мариуполга пресс-тур, Харков ўққа тутилиши давом этмоқда. Уруш суратлари

13 апрел куни Владимир Путин Украина томони Истанбулда эришилган келишувлардан оғишгани ва музокаралар «боши берк кўчага кириб қолгани» ҳақида гапирди. Александр Лукашенко Бучада тинч аҳолининг ўлдирилишини Буюк Британия томонидан амалга оширилган «психологик махсус амалиёт» деб атади. Путин эса, Украинадаги ҳодисалар ҳақида гапираркан, «фожиа» сўзини ишлатди, аммо Россияга «танлов қолдирилмагани»ни қўшимча қилди. Донецк области маъмурияти раҳбари Россия армиясининг Украинага босқини бошланганидан буён Мариупол ва унинг атрофидаги ҳудудларда 20-22 минг киши ҳалок бўлганини айтди. Украина президенти Володимир Зеленский «Мухолифат платформаси — Ҳаёт учун» партияси раҳбари Виктор Медведчук қўлга олинганини айтди, ОАВда у«Путиннинг куми» деб аталади - Путин унинг қизининг чўқинтирган отаси ҳисобланади.

Полициячилар Бучадаги оммавий қабр устини плёнка билан ёпмоқда. Суд тиббиёт экспертлари Бучада дафн этилганларни эксгумация қилишни бошлади, бу ерда тинч аҳоли вакиллари бўлган 410дан ортиқ кишининг жасади топилган.
Oleg Petrasyuk / EPA / Scanpix / LETA

Украинадаги уруш. Сўнгги маълумотлар

  • АҚШ президенти Жо Байден россиялик ҳарбийларнинг Украинадаги ҳаракатларини илк бор геноцид сифатида характерлади. Бунгача, ҳатто Буча ва Киев областининг бошқа шаҳарларида тинч аҳолининг ўлдирилишига оид фактлар маълум бўлганида ҳам Байден фақат «ҳарбий жиноятлар» атамасини қўллаганди.
  • Шу кунларда хорижлик корреспондентлар киришига рухсат берилган Мариуполда жанглар давом этмоқда. Украина қуролли кучлари Россия ҳарбийлари «Азовсталь» металлургия комбинати ва денгиз порти йўналишида ҳужумга ўтаётгани ҳақида хабар берган.
  • Жо Байден маъмуриятидаги манба кўплаб нашрларга яқин вақтлар ичида АҚШ Украинага яна 750 млн долларлик ёрдам бериши ҳақида эълон қилиниши тўғрисида хабар берди. Бу пулларга техникалар харид қилинади, аммо бу қандай техникалар бўлиши маълум эмас.
  • Украина прокуратураси маълумотига кўра, уруш бошланганидан буён мамлакатда 191 нафар бола ҳалок бўлган, яна 540 бола яраланган.
  • Польша, Литва, Эстония ва Латвия президентлари Украинада бўлиб, Киевда Володимир Зеленский билан учрашади. Оммавий ахборот воситалари ва ижтимоий тармоқларда эълон қилинган суратлардан маълум бўлишича, улар Украина поездида Киевга йўл олмоқда.
Кўчалардан йиғилган жасадларни моргга жўнатишга ҳозирланаётган кўнгиллилар
Rodrigo Abd / AP / Scanpix / LETA
Бучадаги қирғин вақтида ҳалок бўлганларнинг жасадларини олиб кетаётган эркак
Fadel Senna / AFP / Scanpix / LETA
Харков ўққа тутилишидан кейинги ёнғин ўчирилмоқда
Sergey Kozlov / EPA / Scanpix / LETA
Харков области Барвенково посёлкасида турган украин аскарлари
Marko Djurica / Reuters / Scanpix / LETA
Украин артиллериячиси Луганск области ғарбидаги Лисичанск яқинида турган танк устидан шох-шаббаларни олмоқда
Anatolii Stepanov / AFP / Scanpix / LETA
Россияпараст кучлар ҳарбий хизматчилари Мариуполдаги жанглар вақтида зирҳли техникага ўқлар ортмоқда.
Alexander Ermochenko / Reuters / Scanpix / LETA
Россиялик аскар Мариуполдаги вайрон бўлган драматик театрдаги зинадан кўтарилмоқда. Сурат Россия армияси томонидан ташкил этилган махсус пресс-тур чоғида олинган.
Alexander Nemenov / AFP / Scanpix / LETA
Мариуполь. Фото: Alexander Nemenov / AFP / Scanpix / LETA
Украина қуролли кучларининг асирга тушган ярадор ҳарбий хизматчиси ДХРдаги шифохонада.
Сергей Бобилев / ТАСС
Мариуполь, қуш парвози баландлигидан кўриниш.
Andrey Borodulin / AFP / Scanpix / LETA
Украина ҳарбийлари томонидан ишдан чиқарилган русларнинг жанговар зирҳли машинаси, Днепр яқинидаги Яҳидне шаҳри ҳудуди
AP Photo/Evgeniy Maloletka
Харковга берилган зарбалардан кейин ишлаётган ўт ўчирувчилар AP Photo/Felipe Dana
Днепр яқинидаги отишма чоғида шикастланган уйидан чиқиб келаётган Михайло Чилован
AP Photo/Evgeniy Maloletka
Днепр яқинидаги Яҳидне шаҳарчаси ҳудудига тушган ракета
AP Photo/Evgeniy Maloletka
Буча шаҳрида россияликлар ишғоли чоғида ўлдирилган 32 ёшли ўғли Дмитро Стефенконинг портретини кўтариб йиғлаётган она
AP Photo/Rodrigo Abd
Марта Фёдорова 6 ёшли ўғли Вoлoдимир ва 5 ёшли қизи Виолетта билан Днепр шаҳрида ҳарбий ҳаракатлар майдонидан қочиб келганлар жойлаштирилган мактаб биносида. У эри ва беш фарзанди билан Баҳмуд шаҳридан келган.
AP Photo/Petros Giannakouris

 

Мавзу
Украина инқирози
2021 йил давомида Россия Украина билан чегарада қўшин тўплади. Сўнгги вақтларда минтақада вазият кескинлашмоқда.
Барчаси
Top