20:17 / 20.04.2022
21346
Россия қитъалараро баллистик ракетасини синовдан ўтказди

Синовлар якунланганидан сўнг «Сармат» стратегик аҳамиятга эга ракета қўшинларига топширилади. 

Фото: Россия мудофаа вазирлиги

Архангелск областидаги Плесецк синов космодромида «Сармат» қитъалараро баллистик ракетаси синовдан ўтказилди. Бу ҳақда Россия мудофаа вазирлиги хабар берди.

«Парвоз вазифалари тўлиқ ҳажмда бажарилди. Ракетанинг характеристикалари парвознинг барча босқичларида тасдиқланди», — дейилади хабарда. 

Қайд этилишича, бу давлат синовлари дастуридан ўрин олган илк парвоздир. Синовлар якунланганидан сўнг «Сармат» стратегик аҳамиятга эга ракета қўшинларига топширилади. 

Очиқ маълумотларга кўра, ракетанинг узунлиги 35,5 метрни, оғирлиги 208,1 тоннани ташкил этади. Парвоз масофаси 18 минг километрга тенг. 

Top