16:05 / 22.04.2022
7835
Полша Россия билан нефт етказиб бериш тўғрисидаги шартномаларни бекор қилмоқчи

Маълумот берилишича, ҳозирда Гданск ва Плоцкдаги нефтни қайта ишлаш заводлари йилига 26-27 миллион тонна нефтни қайта ишлайди. Унинг қарийб 60 фоизи Россиядан келтирилади.

Фото: DPA

Полша Россия билан нефт етказиб бериш тўғрисидаги шартномаларни бекор қилишни кўзламоқда. Бу ҳақда мамлакат ҳукуматининг стратегик энергетика инфратузилмалари масалалари бўйича вакили Петр Наимский айтди

Аввалроқ Полша ҳукумати мамлакат йил охиригача Россия энергияларидан бутунлай воз кечишини маълум қилганди.

"Нефт бўйича шартномаларни бекор қилиш ниятимиз бор. Бу мутлақо аниқ", - деди Наимский.

Унинг маълумот беришича, ҳозирда Гданск ва Плоцкдаги нефтни қайта ишлаш заводлари йилига 26-27 миллион тонна нефтни қайта ишлайди. Унинг қарийб 60 фоизи Россиядан келтирилади.

Шу билан бирга, Наимский Россия нефтидан воз кечган заводлар зарар кўришини қўшимча қилди. 

"Бу албатта қимматга тушади, чунки кўплаб харидорлар нефт манбасини излаётган вазиятда шартномаларнинг ўзгариши нарх вақтинча бўлса-да кўтарилишига олиб келади", - деди у. 

Top