Bedarak yo‘qolganlardan tashqari, 23 kishi vayronalar ostida qolgani aytilmoqda.
Xitoyning Chansha shahrida olti qavatli bino qulashi natijasida 39 kishi bedarak yo‘qoldi, deb xabar berdi Xitoy markaziy televideniyesi.
Xabarda aytilishicha, binoda do‘konlar, umumiy ovqatlanish muassasalari hamda kichikroq mehmonxona joylashgan bo‘lgan.
Bedarak yo‘qolganlardan tashqari, 23 kishi vayronalar ostida qolgani aytilmoqda. Qutqaruvchilar besh kishini olib chiqishga muvaffaq bo‘lgan.
Bino qulashi sababi hozircha aniq emas, qidiruv-qutqaruv ishlari davom etmoqda.