18:54 / 30.04.2022
9114
Хитойда олти қаватли бино қулаши оқибатида қарийб 40 киши бедарак йўқолди 

Бедарак йўқолганлардан ташқари, 23 киши вайроналар остида қолгани айтилмоқда. 

Фото: CNS/AFP/China OUT

Хитойнинг Чанша шаҳрида олти қаватли бино қулаши натижасида 39 киши бедарак йўқолди, деб хабар берди Хитой марказий телевидениеси.

Хабарда айтилишича, бинода дўконлар, умумий овқатланиш муассасалари ҳамда кичикроқ меҳмонхона жойлашган бўлган.

Бедарак йўқолганлардан ташқари, 23 киши вайроналар остида қолгани айтилмоқда. Қутқарувчилар беш кишини олиб чиқишга муваффақ бўлган.

Бино қулаши сабаби ҳозирча аниқ эмас, қидирув-қутқарув ишлари давом этмоқда.

Top