Eronda Isroil foydasiga josuslik qilishda ayblangan olim qatl qilinadi

Eron sudi tomonidan olim Ahmad Rizo Jaloliyga nisbatan chiqarilgan o‘lim hukmi 21 maygacha ijro etiladi, deb xabar berdi “Onado‘lu” agentligi.

Eron va Shvetsiya fuqarosi bo‘lgan Jaloliy Isroil foydasiga josuslik qilishda ayblangan.

Stokholmdagi Karolina institutida shifokor va o‘qituvchi bo‘lib ishlagan olim 2016 yilda Eronda qo‘lga olingandi.

U Isroilning «Mossad» tashqi razvedka agentligi bilan hamkorlik qilgani uchun va josuslikda ayblanib o‘limga hukm qilingan. U shuningdek, eronlik yadrochi fiziklarning o‘limiga aloqador deb topilgan.

Shvetsiya tashqi ishlar vazirligi 2018 yilda Jaloliyga Shvetsiya fuqaroligi berilganini ma’lum qilgan.