Samarqand – Toshkent – Samarqand yo‘nalishida qo‘shimcha poyezdlar qatnovi yo‘lga qo‘yiladi

«Afrosiyob» poyezdining qo‘shimcha qatnovlari yo‘lga qo‘yiladi. Bu haqda «O‘zbekiston temir yo‘llari» matbuot xizmati xabar berdi.

Foto: Kun.uz

Joriy yil 6 va 7 may kunlari Samarqand – Toshkent – Samarqand yo‘nalishida 767/768-sonli yuqori tezlikda harakatlanuvchi «Afrosiyob» poyezdining qo‘shimcha qatnovlari yo‘lga qo‘yiladi.

Qo‘shimcha ma’lumotni Toshkent shahridagi 1005 qisqa telefon raqami, joylardagi temiryo‘l kassalari hamda ma’lumotlar byurosidan bilib olish mumkin.

Bundan oldin 2022 yil 3, 4, 5 may kunlari Samarqand - Toshkent - Samarqand yo‘nalishida 767/768-sonli «Afrosiyob» yuqori tezlikda harakatlanuvchi zamonaviy poyezdlarining qo‘shimcha qatnovi yo‘lga qo‘yilishi xabar berilgandi.