O‘zbekistondagi eng ko‘p tashrif buyuruvchilarga ega muzeylar nomi e’lon qilindi 

Unga ko‘ra, 2022 yil 1 yanvar holatiga O‘zbekistondagi muzeylar soni 127 tani tashkil etib, ularga 2021 yil davomida 5 million 100 ming kishi tashrif buyurgan.

Tashrif buyuruvchilar soni esa muzeylar kesimida quyidagicha ko‘rsatilgan:

• Qoraqalpog‘iston Respublikasi I.V. Savitskiy nomidagi davlat muzeyi – 48,3 ming kishi
• Temuriylar tarixi davlat muzeyi – 86,5 ming kishi;
• Xivadagi “Ichan-Qal’a” majmuasi – 211,9 ming kishi;
• Buxoro davlat badiiy me’morchilik muzey qo‘riqxonasi – 399,4 ming; kishi
• Samarqand davlat badiiy muzey qo‘riqxonasi – 683,9 ming kishi.

Qo‘mita ma’lumotida qayd etilishicha, bugun mamlakatdagi barcha muzeylarga kirish bepul.

Xabarda shuningdek, hududlar kesimida qancha muzeylar mavjudligi borasidagi ma’lumotlar ham ochiqlangan. Unga ko‘ra,

• Qoraqalpog‘iston Respublikasi – 4 ta;
• Andijon viloyati – 2 ta;
• Buxoro viloyati – 19 ta;
• Jizzax viloyati – 7 ta;
• Qashqadaryo viloyati – 10 ta;
• Navoiy viloyati – 6 ta;
• Namangan viloyati – 2 ta;
• Samarqand viloyati – 13 ta;
• Surxondaryo viloyati – 8 ta;
• Sirdaryo viloyati – 1 ta;
• Toshkent viloyati – 5 ta;
• Farg‘ona viloyati – 17 ta;
• Xorazm viloyati – 3 ta;
• Toshkent shahri – 30 ta muzey bor.

Ma’lumot uchun, Xalqaro muzeylar kengashi 1977 yildan beri Xalqaro muzeylar kunini o‘tkazib keladi.