Toshkentda «Lacetti»ni boshqargan 21 yoshli qiz YTH oqibatida vafot etdi

Toshkent shahrining Mirzo Ulug‘bek tumanida o‘lim bilan yakun topgan yo‘l-transport hodisasi sodir bo‘ldi. Poytaxt IIBB holat haqida ma’lumot berdi.

Foto: IIBB axborot xizmati

2022 yilning 4 iyun kuni taxminan soat 00:25 larda Mirzo Ulug‘bek tumani, Oqqo‘rg‘on ko‘chasida «Lacetti» rusumli avtomashinani boshqarib ketayotgan 21 yoshli S.N. boshqaruvni yo‘qotib, yo‘l o‘rtasidagi yoritish ustuniga urilgan.

YTH natijasida «Lasetti» rusumli avtomashina haydovchisi S.N. tan jarohati olib shifoxonaga yotqizilgan, biroq tibbiyot xodimlarining urinishlariga qaramay, u jonlantirish bo‘limida vafot etgan.

Mazkur holat yuzasidan Toshkent shahar IIBB tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan.

IIBB xabarida aytilishicha, hozirda tergov harakatlari olib borilmoqda.