Snaryadlardan ilma-teshik bo‘lgan dala maydoni va Baxmutdagi yaradorlar. Urush suratlari

7 iyun kuni DXR oliy sudida Ukraina tomonida jang qilgan va asirlikka tushgan xorijliklar ustidan sud jarayoni boshlandi. RF mudofaa vaziri Sergey Shoygu Severodonetskdagi aholi yashovchi kvartallar va LXR hududining 97 foizi «ozod etilgani» haqida aytdi. Rus pravoslav cherkovining bosh idorasi (sinod) Qrimda joylashgan yeparxiyani to‘g‘ridan to‘g‘ri patriarx Kirill bo‘ysunuviga o‘tkazishga qaror qildi. Rossiya nashrlari Zaporojye «harbiy-fuqarolik ma’muriyati rahbari» deb atayotgan Yevgeniy Balitskiy regiondan Qrimga bug‘doy ortilgan ilk poyezd yo‘l olgani haqida ma’lum qildi. «Meduza» urushning 104-kunida olingan asosiy suratlarni namoyish etdi.

Urushning 105-kuni. So‘nggi soatlardagi asosiy ma’lumotlar:

• Ukraina Bosh shtabining 8 iyun kungi axborotiga ko‘ra, frontdagi asosiy uchastkalarda sezilarli o‘zgarishlar yo‘q: Severodonetskda janglar davom etmoqda, rossiyaliklar hamon Baxmut-Lisichansk trassasini to‘sib qo‘ya olishmagan, ammo ukrainlarning ushbu yo‘l bo‘yidagi pozitsiyalari tinimsiz o‘qqa tutilmoqda; rossiyalik harbiylarning Toshkovka va Ustinovkani egallab, bu yerdan Lisichansk-Severodonetsk aglomeratsiyasi shimoliga o‘tish uchun urinishlari besamar ketmoqda.
• Ukraina prezidenti Volodimir Zelenskiy seshanba kuni kechqurungi videomurojaatida keyingi haftada «Jallodlar kitobi» to‘plami chiqishi, unda Rossiya armiyasining Ukrainada sodir etgan harbiy jinoyatlari jamlanishini ma’lum qildi.
• Rossiya TIV rahbari Sergey Lavrov Ukrainadan dengiz orqali bug‘doy eksporti blokirovkasi ochilishi bo‘yicha muzokaralar o‘tkazish uchun Turkiyaga keldi.
• Times ma’lumotiga ko‘ra, Roman Abramovich YeIga Yevropa Ittifoqi va Britaniyada ulkan soliqlar to‘lagani, hech qachon Putinning Ukraina bo‘yicha siyosatini qo‘llashini aytmaganini, shu tufayli unga qarshi sanksiyalar adolatsiz ekanini ko‘rsatuvchi hujjatlar taqdim etgan.

Kiyev oblasti

Xarkov 

Donbass shimoli