May oyida O‘zbekistonga kelgan sayyohlar soni 3,6 baravarga oshdi

Davlat statistika qo‘mitasi xabariga ko‘ra, 2022 yilning may oyida 503,6 ming nafar chet el fuqarolari turistik maqsadlarda O‘zbekistonga tashrif buyurgan.  
 
Qayd etilishicha, bu ko‘rsatkich o‘tgan yilning mos davri bilan solishtirilganda 363,4 ming nafarga yoki 3,6 baravarga oshgan. 
 
O‘zbekistonga may oyida eng ko‘p quyidagi davlatlarning fuqarolari turistik maqsadda tashrif buyurgan:  

• Qozog‘iston –  169,9 ming nafar; 
• Qirg‘iziston –  141,3 ming nafar;  
• Tojikiston –  116,0 ming nafar; 
• Rossiya –  47,5 ming nafar;  
• Turkiya – 6,4 ming nafar;  
• Germaniya – 2,2 ming nafar;  
• Fransiya – 1,7 ming nafar;
• AQSh – 1,5 ming nafar; 
• Koreya – 1,4 ming nafar;
• Hindiston – 1,3 ming nafar;
• Isroil – 1,3 ming nafar;
• Buyuk Britaniya – 1,1 ming nafar; 
• Belarus – 1,0 ming nafar;  
• Italiya – 0,7 ming nafar;
• Ispaniya – 0,5 ming nafar.

Bundan oldin O‘zbekistonga eng ko‘p turistlar qaysi davlatdan kelayotgani ma’lum qilingandi.