Prezident Yangi O‘zbekiston bog‘idagi yoshlar bayramiga keldi

Davlat rahbari bog‘da “Besh tashabbus” yo‘nalishlari bo‘yicha tashkil etilgan pavilonlar faoliyati bilan tanishdi, yoshlar bilan muloqot qildi.

Tashrif davomida prezident “Zakovat” pavilonida ham bo‘lib, ko‘rsatuv boshlovchisi Abdurasul Abdullayev, klub bilimdonlari, mahallalar o‘rtasidagi intellektual turnir g‘olibi bo‘lgan Samarqand viloyati Payariq tumani Sorisuv mahallasi jamoasi, shuningdek jurnalist va blogerlar o‘rtasida o‘tgan turnirning chempion jamoasi – “Energy” a’zolari bilan uchrashdi.

Shavkat Mirziyoyev ayni paytda bayram tadbirida nutq so‘zlamoqda.